પૂજા પરફેક્ટ - જિનપૂજા, ભાવપૂજા, દેરાસરમાં ચૈત્યવંદન કરતા શું કરવું અને શું ન કરવું?

ભાવે જિનવર પૂજિયે

પરમાત્મા સમક્ષ સાથિયો, નૈવેદ્ય અને ફળપૂજા કર્યા બાદ ચૈત્યવંદન અવશ્ય કરવું જોઈએ.

જેમ, પરમાત્માનો અભિષેક કરવો તે પૂજા છે,

તેમ, પરમાત્માનું ચૈત્યવંદન કરવું તે પણ પૂજા જ છે.

જળ-કેસર વગેરે દ્રવ્યથી જે પૂજા થાય તે દ્રવ્યપૂજા કહેવાય.

ચૈત્યવંદન-સ્તુતિ-સ્તવનના ભાવથી જે પૂજા થાય તે ભાવપૂજા કહેવાય.

ચૈત્યવંદન-ભાવપૂજા કરતાં પહેલાં...

(1) ચૈત્યવંદન શરૂ કરતાં પહેલાં ત્રીજી ‘નિસીહી’ બોલવાની છે. એટલે કે હવે પરમાત્માના પૂજાના દ્રવ્યોનો પણ વિચાર નથી કરવાનો. સાથિયો-નૈવેદ્ય વગેરે બધું ભૂલી જઈ પરમાત્માના સ્તુતિ-સ્તવનમાં એકાગ્રતા કેળવવાની છે.

(2) ચૈત્યવંદન વખતે કોઈ વાતો-ઈશારા કે ડાફોળિયા ન મારવા. આપણું પૂરું ધ્યાન પરમાત્મામાં જ રાખવું.

(3) ચૈત્યવંદન સૂત્રોના અર્થો સમજી લેવા. સૂત્ર બોલતી વખતે અર્થનો પણ ખ્યાલ આવવાથી ભાવ જાગે.

(4) નવા-નવા ચૈત્યવંદન-સ્તવન-સ્તુતિ ગોખવા. જેથી પરમાત્માની ભક્તિનો આનંદ વધતો જાય.

(5) દ્રવ્યપૂજા કરતાં ભાવપૂજાનો લાભ અનંતગણો છે. માટે ચૈત્યવંદન કરવામાં આળસ કે વેઠ ન કરવી.

 વધુ વાંચવા અને જાણવા માટે તથા આવી જ બીજી પણ રોચક વાતો માટે ખાસ આજે જ સબ્સ્ક્રાઈબ કરો સિદ્ધાંત દિવાકર મેગેઝીન...

Additional Info

Number of pages : 20

Weight : 150gms

---